മുദ്രകള്‍

കാക്കി കുരിശ്‌

2012-01-19T10:26:00.000+04:00

ഹലോ ബിബിസി, അയാം കുടിയന്‍ ഫ്രം കേരള!

2012-01-05T21:22:00.002+04:00

പുനര്‍വായന

നാണമില്ലല്ലോ ഇങ്ങനെ കുടിക്കാന്‍. ലോകം മുഴുവന്‍ അറിഞ്ഞു മലയാളിയുടെ ‘കുടി’ സംസ്കാരം. മലയാളിയുടെ കുടിവൈഭവവത്തെക്കുറിച്ച് ഇവിടെയുള്ള ചാനല്‍ പക്ഷികളും പത്രാധിപന്മാരും എഴുതി തളര്‍ന്നിരിക്കുമ്പോഴാണ് അങ്ങ് സായിപ്പിന്‍റെ നാട്ടില്‍ നിന്ന് പുതിയൊരു വാര്‍ത്ത വരുന്നത്. കുടിയനായ മലയാളിയുടെ വൈകിട്ടത്തെ പരിപാടിയെക്കുറിച്ച് വാര്‍ത്ത കൊടുത്തിരിക്കുന്ന ചില്ലറക്കരല്ല. ബി ബി സിയാ...ബി ബിസി. ‘വൈകിട്ടെന്താ പരിപാടിയെന്ന്’ നമ്മുടെ പ്രിയതാരം ലാലേട്ടന്‍ എല്ലാ സന്ധ്യയ്ക്കും സ്വീകരണ മുറിയില്‍ അനുവാദമില്ലാതെ വന്നു ചോദിക്കുമായിരുന്നല്ലോ? അതിനെയും കൊന്നു കൊല വിളിച്ചു ബി ബി സിക്കാര്‍. കേരളത്തിന് ആല്‍ക്കഹോളിനോട് വലിയ ലൌ അഫയര്‍ ആണെന്നാണ് ഇവര്‍ കണ്ടെത്തിയത്. കാര്യം ശരി തന്നെയാ. ‘കേരളാസ് ലൌ അഫയര്‍ വിത്ത് ആല്‍ക്കഹോള്‍’ എന്ന തലക്കെട്ടില്‍ കഴിഞ്ഞ വെള്ളിയാഴ്ച വൈകുന്നേരം അഞ്ചരയ്ക്കുള്ള വാര്‍ത്തയിലാണു കുടിച്ചു മുടിയുന്ന മലയാളിയെക്കുറിച്ച് ബി ബി സി പ്രത്യേക ഫീച്ചര്‍ തയ്യാറാക്കിയത്.

ദൈവത്തിന്‍റെ സ്വന്തം നാട് മദ്യ വില്പനയില്‍ ഇന്ത്യയില്‍ തന്നെ ഒന്നാം സ്ഥാനത്താണ്. കൂടാതെ, മദ്യ വില്പനയിലൂടെ ഒരു സര്‍ക്കാരിന് ഏറ്റവും കൂടുതല്‍ വരുമാനം ലഭിക്കുന്ന സംസ്ഥാനവുമാണ് പരശുരാമന്‍ മഴുവെറിഞ്ഞ് ഉണ്ടാക്കിയ കേരളം. ഇതു വല്ലതും പരശുരാമന്‍ നേരത്തെ അറിഞ്ഞിരുന്നെങ്കില്‍ മഴുപോയിട്ട് ഒരു മൊട്ടുസൂചി പോലും അറബിക്കടലിലേക്ക് എറിയില്ലായിരുന്നു. കേരളത്തിലെ ഒരു ബിവറേജസ് ഷോപ്പില്‍ ഒരു ദിവസം 8000 കുടിയന്മാര്‍ വരെ എത്തുന്നുണ്ടെന്നാണ് ബി ബി സി കണക്ക്. കേരളത്തില്‍ മദ്യപാനത്തിനായി വെറും 337 ഷോപ്പുകളാണുള്ളത്. തൊട്ടടുത്തു കിടക്കുന്ന തമിഴ്നാട്ടിലാകട്ടെ എണ്ണായിരത്തോളം ഷോപ്പുകളും. പക്ഷേ, പറഞ്ഞിട്ടു കാര്യമില്ല. കുടിച്ചു സ്വയം മുടിഞ്ഞ് സര്‍ക്കാരിനെ നന്നാക്കുന്ന കാര്യത്തില്‍ കേരളത്തെ കടത്തിവിട്ടാന്‍ മാത്രം ഈ ഇന്ത്യാ മഹാരാജ്യത്ത് ആരും വളര്‍ന്നിട്ടില്ല. കേരളത്തില്‍ ചെലവാകുന്ന മദ്യത്തിന്‍റെ പകുതിപോലും തമിഴ്നാട്ടില്‍ ചെലവാകുന്നില്ലെന്നതാണ് സത്യം.

കേരളത്തില്‍ വെള്ളമടിച്ചു കൊതി തീര്‍ക്കുന്നതിന് കോര്‍പ്പറേഷന്‍റെ ഷോപ്പുകള്‍ കൂടാതെ 600 ബാറുകളും 5000 കള്ളുഷാപ്പുകളുമാണുള്ളത്. ഒന്നും നഷ്ടത്തിലല്ല, നഷ്ടത്തിലാകാന്‍ മലയാളി സമ്മതിക്കില്ല എന്നതാണ് ന്യായം. ഇതൊന്നും പോരാഞ്ഞിട്ട് പട്ടാളത്തില്‍ വല്ല അകന്ന ബന്ധുവും പോയിട്ടുണ്ടെങ്കില്‍ അവധിക്കു വരുന്ന അവന്‍റെ അടുത്തും മലയാളി എത്തും. മിലിട്ടറി ക്വോട്ട, വിദേശത്തു നിന്നു കൊണ്ടുവരുന്നവ, വ്യാജ സ്പിരിറ്റ്, വ്യാജ വാറ്റ് തുടങ്ങിയവ എല്ലാം ചേര്‍ത്തൊരു കണക്ക് വിളമ്പിയാല്‍ ലോകം ഞെട്ടും..ബട്ട്.. മലയാളി ഞെട്ടില്ല. ഇതെത്ര കണ്ടിരിക്കുന്നു എന്ന ഭാവമല്ലേ മുഖത്ത്.

മദ്യപിച്ചു മദോന്മത്തരായി നടക്കുന്ന മലയാളി ഉണ്ടാക്കുന്ന കോലാഹലങ്ങളുടെ കണക്കും ബി ബി സി കണ്ടെത്തിയിട്ടുണ്ട്. 2008-2009ല്‍ 4000 റോഡപകടങ്ങള്‍ ദൈവത്തിന്‍റെ സ്വന്തം നാട്ടിലുണ്ടാവാന്‍ കാരണം നമ്മുടെ ഈ കുടിയാസക്തി മാത്രമായിരുന്നു. പണ്ടു വ്യാജന്‍ അടിച്ചു വീട്ടില്‍ ചെല്ലുന്നവന്‍ കെട്ടിയവളെ തല്ലിച്ചതയ്ക്കുമായിരുന്നെങ്കില്‍ ബ്രാന്‍ഡഡ് ഐറ്റംസ് എത്തിയതോടെ അവിടെയും പുതുഫാഷനായി. ഡൈവോഴ്സ്! എന്തോന്ന് ഫാമിലി അളിയാ, ഇവനല്ലേ എല്ലാം എന്ന് പറയുന്നവരാണ് പുതു കുടിയന്‍‌മാരില്‍ കൂടുതലും. കാലം മാറിയപ്പോള്‍ മലയാളി പോയൊരു പോക്കേ! കുടുംബം മാത്രമല്ല, കുടിച്ചു കൂത്താടി ജോലി കളയുന്നവരും ഏറിവരികയാണ്.

പ്രതിരോധമന്ത്രി അന്തോണിച്ചന്‍റെ നാട്ടില്‍ ഒരുവന്‍(മലയാളിയല്ല, ബീഹാറിയാണ്) കഴിഞ്ഞദിവസം മനസു നിറഞ്ഞ് മദ്യപിക്കാന്‍ 22,000 രൂപ വിലയുള്ള മൈക്രോസ്കോപ് എടുത്തു പണയം വച്ചു. ജോലി ചെയ്യുന്ന ഓഫീസിലെ മൈക്രോസ്കോപ് ആണ് മദ്യപിച്ച് റിലാക്സ് ചെയ്യുന്നതിനായി 60 രൂപയ്ക്ക് പണയം വെച്ചത്. കക്ഷി പണ്ട് ഡല്‍ഹിയില്‍ ജോലി ചെയ്തിരുന്നപ്പോള്‍ വെള്ളമടിച്ച് ഓഫീസ് ഒന്നു പൊളിച്ചടുക്കിയതിന്‍റെ ഫലമായിരുന്നു ചേര്‍ത്തലയിലേക്കുള്ള സ്ഥലം മാറ്റമെന്നത് വേറെ കാര്യം. ഉള്ളതു പറയുകയാണെങ്കില്‍ ലോകവിപണിയില്‍ ഇന്ത്യന്‍ കഥകള്‍ക്കും മലയാളികള്‍ക്കും നല്ല മൂല്യമാണ്. സ്ലം ഡോഗ് മില്യണയറിലൂടെ ഡാനി ബോയ്ല്‍ ഇന്ത്യന്‍ കഥ പറഞ്ഞപ്പോള്‍ കിട്ടിയത് എട്ട് ഓസ്കര്‍ അവാര്‍ഡുകള്‍. ഏതായാലും മലയാളിയുടെ കുടിഭ്രാന്ത് ബി ബി സിയുടെ ടാം റേറ്റിങ്ങിനെ അതിന്‍റെ പരകോടിയിലെത്തിക്കുമായിരിക്കും.

ദുര്‍ബല്‍ കുമാര്‍ തിങ്കള്‍, 15 മാര്‍ച്ച് 2010( 18:40 IST )

നുരയുന്ന അധരങ്ങള്‍

2012-01-05T21:18:00.001+04:00

നിലത്തുറക്കാത്ത പാദങ്ങളാല്‍
നര്‍ത്തനത്തിന്‍ പുതിയരാസ്വദനം

നിരത്തിലഴിഞ്ഞാടിയവര്‍
നിരത്തുന്നു തെറിയഭിഷേകത്തിന്‍ നവരസങ്ങള്‍

നുരഞൊഴുകും മധു ചഷകത്താല്‍
നരകം തീര്‍ക്കും നവ യുവ സമൂഹങ്ങള്‍

നരവന്ന ഉടലുകളില്‍ നുണയും അധരങ്ങള്‍
നരാധമന്മാര്‍ ഇവര്‍ നാരികള്‍ ഭയക്കും കശ്മലര്‍

നീണ്ട നിരകളാല്‍ സമൃദ്ധം മദ്യശാലാമുന്‍വശം
നിരത്തുകളില്‍ നേര്‍കാഴ്ച്ചയായ്‌ മലയാള നാടിന്നിരുവശം

നടിക്കും നാം നിര്‍വികാരത നടുക്കും ഈ നിമിത്തങ്ങളില്‍
നിവര്‍ത്തിയില്ലായ്മയോ നിവര്‍ത്താത്ത നെട്ടെല്ലോ
തിരിച്ചറിവില്ലായ്മയോ എന്തോ നമുക്കുണ്ട്

യാത്ര

2011-12-28T13:17:00.001+04:00

പൊടിതട്ടിയെടുത്ത പെട്ടിയില്‍
കുട്ടിക്കൊരു പട്ടുപാവാട മാത്രം ഭദ്രമായി പൊതിഞ്ഞടുക്കിവച്ചു
നെട്ടെല്ല് പൊട്ടിയ കുട്ടിക്കിനാവുകള്‍
പെട്ടിയിലരികത്ത്ചേര്‍ത്ത് വച്ചു

ഒട്ടൊന്നുമല്ലയീ യത്രയെന് മനമില്‍
ഹര്‍ഷ വര്‍ഷംതിമര്‍ത്ത് പെയ്തു
ഒരുങ്ങി യിറങ്ങി ഞാന്‍ വീണ്ടും
മുറതെറ്റാത്ത കെട്ടുകള്‍ കൂട്ടുകാര്‍ മുറുക്കി വീണ്ടും

തട്ടകം തരമായാല്‍ തിരിക്കില്ല തിരക്കിട്ട്
തമ്പുകള്‍ക്ക് തറകെട്ടി തകരത്താല്‍ തണലുകള്‍ തീര്‍ക്കണം
തീരാത്ത കിനാവുകള്‍ക്ക് തളിരുകള്‍ ഉതിര്‍ക്കുമ്പോള്‍
തളരാതെ വളവും വെള്ളവും തളിക്കേണം

ഞെട്ടറ്റ മുല്ലകള്‍

2011-07-19T17:33:00.006+04:00

മോഹ വാല്‍സല്യങ്ങളില്‍ മയങ്ങിയ ബാല്യങ്ങളെ
മൊട്ടിലേ ഞെട്ടറുത്ത്‌ വിറ്റവരല്ലേ നിങ്ങള്‍

ചതിയില്‍ ചതച്ചരച്ച ചകിത കൌമാരങ്ങളെ
ചാപല്യം ചാരമാക്കി മാറ്റിയ കോലങ്ങളാക്കിയില്ലേ

കലാലയത്തിലെ ശീല്‍കാരങ്ങള്‍ക്കടിയില്‍
ശിലകളായ്‌ അമരുമ്പോള്‍
ശീലമായ്‌ മാറി നിങ്ങള്‍ക്കീ ചുടു നിശ്വാസങ്ങള്‍
ഇരുട്ടില്‍ ആളനക്കമുള്ള കടത്തിണ്ണകളെപ്പോലെ

വിഭ്രാംജിത വികാരങ്ങളുടെ ഉന്മാദങ്ങളാല്‍
കാടത്തം കാവല്‍ക്കാരെ കശ്മലന്‍മാരാക്കി

ചാരിത്ര്യത്തിനു വിലപറയാന്‍ മാതൃത്വം നിരത്തിലിറങ്ങുമ്പോള്‍
ചാരിനിന്ന് തുകയെണ്ണാന്‍ പിതൃത്വം തിടുക്കം കൂട്ടുന്നു

ആറും അറുപതും പറവൂരും വരെ
അറുതിയില്ലാത്ത രതികളുടെ പൊറുതികേടായ്‌ മാറുന്നു

ആശ്രമവും ആതുരാലയവും പീഡകരുടെ ആവര്ത്തനകേന്ദ്രങ്ങളാകുമ്പോള്‍
ആര്‍ത്തവം തുടങ്ങാത്ത മാടുകളെ അറവുകാര്‍തേടിക്കറങ്ങുന്നു

അഭയം കൊടുത്തവര്‍ നിങ്ങളെ അബലകളാക്കി മാറ്റുമ്പോള്‍
എന്‍ പെണ്മക്കളെ ഞാന്‍ ഇനിയാരിലേല്പിക്കും

അറിയില്ലെനിക്കീ കപട സംസ്കാര സമ്പന്നത
അറിയില്ലെനിക്കീ രതി രീതിശാസ്ത്രവും

നിപതിക്കുമീ ജനതയുടെ ചെയ്തികള്‍
ഇനിയുമെന്നെയെങ്ങിനെ നിദ്രാലുവാക്കും

*****

വിദേശി

2011-07-11T22:32:00.001+04:00

വിശപ്പിന്‍റെ വിളിയറിഞ്ഞു ഈ വിദൂര വഴിയില്‍
വിരഹത്തെ വിനോദമക്കിയ വിദേശിയാണ് ഞാന്‍

വികാരങ്ങള്‍ക്ക് വിലങ്ങിട്ട നാളുകളില്‍
വിരഹത്തിന് വിത്തുപാകിയവരെ ഞാന്‍ ശപിച്ചു

പ്രഷറും പ്രമേഹവും പ്രണയവുമായ് വന്നെത്തി
പ്രമാണിയാവാന്‍ വന്നു ഒരു പ്രാണിയായ് മാറി ഞാന്‍

മജ്ജയും മാസവും ഉരുകി ഒലിച്ചിട്ടും
മരുപ്പച്ചയായ്‌ ജീവിതം വീണ്ടും തുടരുന്നു

പ്രാണനായ്‌ കരുതി ഞാന്‍ പോറ്റിയ മക്കളും
പ്രനേശ്വരിയെന്നു ഞാന്‍ വിളിച്ച എന്‍ പങ്കാളിയും

പ്രായമായെന്നോതി എന്നെ ആട്ടിയകറ്റുമ്പോള്‍
വിരഹം വിനോദമാക്കി ഞാന്‍ പ്രവാസം തുടരുന്നു

അമ്മ

2011-07-07T22:13:00.001+04:00

അമ്മേ നീയാണെന്‍ സര്‍വ്വവും
നീ യാണീ ആയുരാരോഗ്യത്തിന്‍ പിന്നിലെ രഹസ്യവും

ബീജമായ്‌ ഭ്രൂണമായ്‌ തുടിക്കുന്ന ജീവനായ്‌ നിന്‍ വയറ്റില്‍
നിലക്കാത്ത നിലവിളിയായ്‌ നിന്നുദരത്തില്‍ നിന്നുയിര്കൊണ്ടു ഞാന്‍

തലോടി ത്താരാട്ടു പാടിയെന്നെ യുറക്കി നീയെന്നും
തളിര്‍ത്തു തിമര്‍ത്തൊരു തടിയായ്‌ നിവര്‍ന്നു നില്‍ക്കുന്നു ഞാന്‍

മൂത്ത് നരച്ച നീ എനിക്കിന്നു മുത്തായ് മാറിടും
നിന്‍ ചെപ്പില്‍ നാളേക്കു ഞാനൊരു സ്വര്‍ഗ്ഗം പണിതിടും

നിന്‍ കണ്ണു നീരെന്നിലൊരു നീറ്റലായ് തീര്‍ന്നിടും
എന്നുമത് തീരാത്ത ദൈവ കൊപത്തിനിടവരുത്തിടും

മറക്കില്ല വെറുക്കില്ല പുറത്തെറിയില്ല നിന്നെ ഞാന്‍
നിന്‍ മാറത്തെ ധമനികളില്‍ എന്നധരത്തിന്‍ അടയാളം നീ വഹിക്കുവോളം

*നിരാലംബരായ എന്റെ അമ്മമാര്‍ക്ക് വേണ്ടി*

സ്വാതന്ത്ര്യം

2011-06-18T14:36:00.000+04:00

നിരത്തില്‍ നിണങ്ങളുടെ നീര്‍ച്ചാലുകള്‍
ചിതറിത്തെറിച്ച മാംസക്കഷ്ണങ്ങളാല്‍ വിക്രതമായ ചുമരുകള്‍

ഒലിവുമരച്ചില്ലകളില്‍ നിന്നും ഇറ്റിവീഴുന്ന നിണം കലര്‍ന്ന ജലകണങ്ങള്‍
ഒലിച്ചൊഴുകിയ നെയലിന്റെ ഓളങ്ങളില്‍ തിരയൊഴിഞ്ഞ തോക്കിന്‍ കുഴലുകള്‍
യൂഫ്രട്ടീസിന്‍റെ തീരത്തടിഞ്ഞ വിരല്‍ ചൂണ്ടിയ കരങ്ങള്‍

കാര്‍മേഘങ്ങള്‍ക്ക് വെടിയേറ്റ മുറിപ്പാടുകള്‍
പടിഞ്ഞാറ് നിന്നും വന്ന കാറ്റിനു പാതി വെന്ത മാംസത്തിന്റെ ഗന്ധം
നിശബ്ദ വിപ്ലവങ്ങല്‍ക്കിടയിലും നിരാലംബരില്‍ നിന്നുയര്‍ന്ന നിലവിളികള്‍

ഏദന്‍റെ ഏടുകളില്‍ സ്വാതന്ത്ര്യത്തിന്‍ രക്ത ലിപികള്‍
സിറിയയുടെ സിരകളില്‍ കലര്‍ന്ന വിപ്ലവ വികാരങ്ങള്‍
ലിബിയയുടെ ധമനികളില്‍ നിറഞ്ഞുനിന്ന വിമോചനത്തിന്‍ പടഹധ്വനികള്‍

മാറില്‍ മരണത്തെ ഒളിപ്പിച്ചു സ്വാതന്ത്ര്യത്തെ മാടിവിളിക്കുന്ന മദ്ധ്യപൌരസത്യ ദേശം

ഹുസൈന്‍ പിക്കാസോ

2011-06-12T13:54:00.002+04:00

ചായം കലക്കി ചുമര്‍ തേടിയിറങ്ങിയ
ചകിത ചിത്രകാരന്‍
വിവാദങ്ങള്‍ ചികഞ്ഞവര്‍ക്ക് ചീന്തിയെറിയുവാന്‍
കാന്‍വാസുകളില്‍ കനലൊളിപ്പിച്ചവന്‍
സുന്ദരം ഈ തരളിത മനമില്‍ വിരിയും സൂനകുസുമങ്ങള്‍
സുതാര്യം ലളിതം നിര്‍വികാര നിലപാടുകള്‍
രുമ്ര സുനയന തരുണികളിലുടക്കിയ വരകള്‍
രുദ്ര പരിവാരാഗ്നിയില്‍ തട്ടകം നഷ്ടപെട്ടവന്‍
ചിതറിയ ചില്ലുകളില്‍ മുഖം മിനുക്കുമ്പോഴും
ചിതലരിച്ച ചില്ലകളിലിരുന്ന് സ്വപ്നങ്ങള്‍ക്ക് നിറം ചാര്‍ത്തി
ബാല്യവും കൌമാരവും വാര്‍ദ്ധക്യത്തിലോളിപ്പിച്
ഭയ വിഹ്വലതകളുടെ ഋതുവും ഗ്രീഷ്മവും ചാടിക്കടന്ന്
മരുഭൂവില്‍ ലയിച്ച ഭാരതത്തിന്‍റെ സ്വന്തം പിക്കാസോ..........
* ........................... ആദരാഞ്ജലികള്‍............................*

അഹങ്കാരി

2011-06-05T10:18:00.001+04:00

അഹമഹമികയാമഹങ്കാരമലങ്കിതം
അതിമാനോഹരനെന്ന ദുരഭിമാന സ്വരൂപം

ഭോഗ ഭോജനവുമായ്‌ ബോറടിക്കുമൊരു ജന്മം
ഭാഗിച്ചെടുത്ത ഭാവിയെ ഭാസുരമാക്കുവാന്‍ ഭഗീര യത്നം

മിനുക്കിയെടുക്കുവാന്‍ ഒരുംബെട്ടിറങ്ങിയ
മെരുക്കിയാലോതുങ്ങാത്ത തന്നിഷ്ട സ്രഷ്ടി

ഉള്ളിന്റെയുള്ളില്‍ കുടുസ്സായൊരു ചെറു മുറി
തളച്ചിട്ടു ഞാനതില്‍ സമയത്തെ പലകുറി

മരിക്കില്ല എന്നാണോ വിചാരം മനസ്സുള്ളില്‍
ഇരിക്കില്ല ദുര്‍ഗന്ദം വമിക്കാതെ രണ്ടു നാള്‍

പുലരി

2011-06-01T16:23:00.001+04:00

പുതുമയില്ലാത്ത പുലരികളില്‍
പതിവുതെറ്റാത്ത പകലുകളില്‍
പണിയെടുക്കുന്നു ഞാന്‍ പഥിതനായി

കാതങ്ങള്‍ നീണ്ടു പോയ പാതകളില്‍
പാതി കൊഴിഞ്ഞരെന്‍ ആയുസ്സുമായ്‌
പാതിരാവായ എന്‍ സ്വപ്നങ്ങളെ
പാതുകമില്ലാത്ത പാഥങ്ങളാല്‍
പകലുകളാക്കുവാന്‍ വിയര്‍ത്തിടുന്നു ഞാന്‍

നിവര്‍ത്തിയില്ലാ നിവര്‍ന്നു നില്‍കാന്‍
നിനക്കാതെ വന്ന ഈ നിസ്വാര്‍ത്ഥതയില്‍
നടുവൊടിഞ്ഞോരീ ജന്മത്തിലും
നാലണ പോലുമില്ലിനി നീക്കി വക്കാന്‍

കേശം തിരുകേശം

2011-05-30T21:19:00.003+04:00

വീഥികള്‍ നിറഞാടുന്ന
ശുഭ്ര വസ്ത്ര മകുട ധാരികള്‍
ദിശയറിയാതെ ഉയരുന്ന മുഷ്ടികള്‍
മുടിയല്ലിത് തിരുകേശമേന്നലറുന്ന വീചികള്‍
ക്ലിക്കിയാല്‍ തെളിവിന്റെ എല്‍സിഡി ക്ലിപ്പുകള്‍
ആവേശത്തിരയില്‍ നിന്നുയരുന്ന തക്ബീറുകള്‍
സനദില്ലാത്ത മുടി തിരുകേശമല്ലെന്ന് ചിലര്‍
വിതറുന്നു ഒരറബിയുടെ കത്തിന്റെ കോപ്പികള്‍
കവലകള്‍ തെരുവുകള്‍ മെയിലുകള്‍ മെസ്സേജുകള്‍
സര്‍വം തകര്‍ത്താടുമീ തിരു കേശ വിവാദങ്ങള്‍
പണത്തിനായ്‌ പണ്ടിതര്‍ പലയടവും പയറ്റുമ്പോള്‍
പണിയില്ലാത്തപാമരര്‍ പിന്നിലലഞ്ഞു വിയര്‍ക്കുന്നു
വിവേകം വിവരത്തിനന്യമാം വിഗ്നം
വികാര വിക്ഷുബ്ദം ഈ ഫണ്ടിത കൂട്ടം

,,,,,,,,,,,,കേശമല്ല കേശവാ കീശയാണ് പ്രശ്നം,,,,,,,,,,,,,,,,,,,

നിസ്സഹായര്‍

2011-05-26T12:36:00.000+04:00

വിലാപ വിഹ്വല വികാര വിഹാര വീഥികള്‍
വിപത്തായ്‌ വിചാരധാര വികല ചിന്തകള്‍
കലാപ കലുഷിതം കറുത്ത കരാള രാത്രികള്‍
തുണിച്ചുറ്റിയ കവറില്‍ തുന്നിക്കെട്ടിയ കരിക്കട്ടകള്‍
പിളര്‍ന്ന ഉദരങ്ങളില്‍ തുറിച്ചു നില്‍കുന്ന ഭ്രൂണങ്ങള്‍
പകച്ചു നില്‍കുന്ന പകലുകള്‍ നിഴലില്ലാത്ത നിലാവുകള്‍
നിലയില്ലാത്ത കയങ്ങളില്‍ ആണ്ടുപോയ പച്ച പ്പാവങ്ങള്‍\
തുരുത്തില്ല തുണയില്ല നിസ്സഹായര്‍

ആര്‍ദ്രം

2011-05-25T19:49:00.000+04:00

പെയ്തൊഴിയാത്ത കാര്‍ മേഘ മായ്‌ നിന്‍ മുഖം
തുളുമ്പാന്‍ വെമ്പി നിന്‍ ഇമകള്‍
വിതുമ്പുന്ന അധരങ്ങളില്‍ വിടരുന്ന നൊമ്പരം
പതറിയ കാലനക്കങ്ങളില്‍ പതിയിരിക്കുന്ന വിഷാദം
അലസമായ് തള്ളി നീക്കുമീ ജീവിതം ആര്ദ്രമായ്‌ നീ ഇതാര്‍ക്കുവേണ്ടി